ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 53 ވަނަ މާއްދާގެ (ށ) އާއި، ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 51 ވަނަ މާއްދާގެ (ބ) އަށް ރިޢާޔަތްކޮށް، ޖިނާއީ ބޮޑެތި މައްސަލަތަކުގައި ތުހުމަތުކުރެވޭ މީހުންގެ ތެރެއިން ޤާނޫނީ ވަކީލެއްގެ އެހީތެރިކަން ހޯދޭ ފަދަ މާލީ ތަނަވަސްކަމެއް ނެތް މީހުންނަށް ޤާނޫނީ ވަކީލެއްގެ އެހީތެރިކަން
ހަމަޖައްސައިދެނީ މި އޮފީހުންނެވެ.
އަދި ހަމައެއާއެކު، ޤާނޫނު ނަންބަރު 18/2019 (ކުޑަކުދިންގެ ޢަދުލުގެ ޤާނޫނު) ގެ 50 ވަނަ މާއްދާގެ (ށ) ގެ (1) ވަނަ ނަންބަރުގައި ބަޔާންކޮށްފައިވާ ގޮތުގެމަތިން، ކުށެއްގެ ތުހުމަތުގައި ހިފެހެއްޓޭ ނުވަތަ ހައްޔަރުކުރެވޭ ކުއްޖަކަށް ޤާނޫނީ ވަކީލަކު ހަމަޖެއްސެން ނެތްނަމަ، އެފަދަ ކުދިންނަށް ދައުލަތުގެ ފަރާތުން ޤާނޫނީ ވަކީލެއްގެ އެހީތެރިކަން ފޯރުކޮށްދިނުމަށް ހަމަޖެހިފައިވަނީވެސް މި އޮފީހުންނެވެ.
ދައުލަތުން ޤާނޫނީ ވަކީލެއްގެ އެހީތެރިކަން ފޯރުކޮށްދިނުމުގެ އެންމެހައި ކަންކަން ކުރިއަށްގެންދަނީ ގަވާއިދު ނަންބަރު: 2021/R-4 (ދައުލަތުން ޤާނޫނީ ވަކީލެއްގެ އެހީތެރިކަން ފޯރުކޮށްދިނުމާބެހޭ ގަވާއިދު) އާ އެއްގޮތްވާ ގޮތުގެމަތިންނެވެ.
- ދައުލަތުން ޤާނޫނީ ވަކީލެއްގެ އެހީތެރިކަން ފޯރުކޮށްދިނުމާބެހޭ ގަވާއިދުގެ 5 ވަނަ މާއްދާގައި ބަޔާންކޮށްފައިވާ ޖިނާއީ ބޮޑު ކުށެއް ކުރިކަމަށް ތުހުމަތުކުރެވިފައިވުން؛
- ލީގަލް އެއިޑްއަށް އެދޭ ފަރާތުގެ ކާކުކަން އަންގައިދޭ ޞައްޙަ ލިޔުމެއް (ދިވެހި ރައްޔިތެއްކަން އަންގައިދޭ ކާޑު / ޕާސްޕޯޓު / ޑްރައިވިންގ ލައިސަންސް / އުފަންދުވަހުގެ ސެޓްފިކެޓް) ގެ ކޮޕީ؛
- ލީގަލް އެއިޑްއަށް އެދޭ ފަރާތަކީ މީހަކާ އިނދެގެން ހުރި ފަރާތެއްނަމަ، އިނދެގެން އުޅޭ މީހާގެ ކާކުކަން އަންގައިދޭ ޞައްޙަ ލިޔުމެއް (ދިވެހި ރައްޔިތެއްކަން އަންގައިދޭ ކާޑު / ޕާސްޕޯޓު / ޑްރައިވިންގ ލައިސަންސް / އުފަންދުވަހުގެ ސެޓްފިކެޓް)، އަދި ކައިވެނީގެ ސެޓްފިކެޓްގެ ކޮޕީ؛
- ލީގަލް އެއިޑްއަށް އެދޭ ފަރާތުގެ 18 (އަށާރަ) އަހަރު ނުފުރޭ ދަރިން ތިބިނަމަ، އެ ދަރިންގެ ކާކުކަން އަންގައިދޭ ޞައްޙަ ލިޔުމެއް (ދިވެހި ރައްޔިތެއްކަން އަންގައިދޭ ކާޑު / ޕާސްޕޯޓު / އުފަންދުވަހުގެ ސެޓްފިކެޓް) ގެ ކޮޕީ؛
- ލީގަލް އެއިޑަށް އެދޭ ފަރާތަކީ ވަޒީފާއެއް އަދާކުރާ ފަރާތެއްނަމަ، އެންމެ ފަހު 3 (ތިނެއް) މަސް ދުވަހުގެ މުސާރައިގެ ބަޔާން؛
- ލީގަލް އެއިޑަށް އެދޭ ފަރާތުގެ ނަމުގައި ހުޅުވާފައިވާ ނުވަތަ އޭނާއަށް ފައިސާ ނެގޭގޮތަށް ހުޅުވާފައިވާ ބޭންކް އެކައުންޓްތަކުގެ އެންމެ ފަހު 3 (ތިނެއް) މަސް ދުވަހުގެ ސްޓޭޓްމަންޓް؛ ނުވަތަ ސްޓޭޓްމަންޓް ނެގޭ ޙާލަތެއްގައި ނުވާނަމަ، ބަންޑާރަނައިބުގެ އޮފީހުން ބޭންކް ސްޓޭޓްމަންޓް ހޯދުމާމެދު އިޢުތިރާޟުނުކުރާކަމުގެ ލިޔުން؛
- އެހެން މީހެއްގެ އަމިއްލަ މަސައްކަތެއްގައި ވަޒީފާ އަދާކުރާނަމަ، އެ މަސައްކަތުން ލިބޭ އާމްދަނީ ޔަޤީންކޮށްދެވޭނެ ލިޔުމެއް؛
- ބިމެއް ނުވަތަ ގޯއްޗެއް ނުވަތަ ޢިމާރާތެއް ކުއްޔަށް ދީގެން އާމްދަނީ ލިބޭނަމަ، އެކަން ޔަޤީންކޮށްދެވޭނެ ލިޔުމެއް؛
- ޕެންޝަން ނުވަތަ ޚާއްޞަ އެހީގެ ގޮތުގައި ފައިސާ ލިބޭ ފަރާތެއްނަމަ، އެކަން ޔަޤީންކޮށްދެވޭނެ ލިޔުމެއް (އެންމެ ފަހު 3 (ތިނެއް) މަސް ދުވަހަށް)؛
- އެހެން ގޮތަކުން އެހީއެއް ނުވަތަ ފައިސާއެއް ލިބޭނަމަ، އެކަން ޔަޤީންކޮށްދެވޭނެ ލިޔުމެއް؛
- ކުއްޔަށް އުޅޭނަމަ، އެކަން ޔަޤީންކޮށްދެވޭ ލިޔުމެއް (ކުލީގެ އެއްބަސްވުން / ކުއްޔަށްދޭ ފަރާތުން އެކަން ކަށަވަރުކޮށްދީފައިވާ ލިޔުމެއް).
ކުށުގެ ތުހުމަތުކުރެވޭ މީހާގެ އިތުރުން، އަންނަނިވި ފަރާތްތަކަށް ފޯމު ހުށަހެޅިދާނެއެވެ.
- ކުށުގެ ތުހުމަތުކުރެވޭ މީހާ ހުރީ ހައްޔަރުކޮށްފައިނަމަ ނުވަތަ ބަންދުކޮށްފައިނަމަ، އެމީހަކު ބަންދުކޮށްފައިވާ މަރުކަޒު ހިންގުމާ ޙަވާލުވެ ހުންނަ އިދާރާ.
- ކުށުގެ ތުހުމަތުކުރެވޭ މީހާއަކީ ޢުމުރުން ދުވަސްވީ މީހެއްނަމަ، ނުވަތަ ޚާއްޞަ އެހީއަށް ބޭނުންވާ މީހެއްނަމަ، އެފަރާތުގެ ޢާއިލާ، ނުވަތަ އެފަރާތް ބެލުމުގެ ޒިންމާ ޙަވާލުކުރެވިފައިވާ ފަރާތް، ނުވަތަ އެފަރާތްތަކުގެ ޙައްޤުތައް ރައްކާތެރިކުރުމުގެ ޒިންމާ އޮންނަ ދައުލަތުގެ ކަމާބެހޭ އިދާރާ، ނުވަތަ ކަމާބެހޭ ކޯޓު.
- ކުށެއްގެ ތުހުމަތު ހިފެހެއްޓިފައިވާ ނުވަތަ ހައްޔަރުކުރެވިފައިވާ ކުއްޖަކަށްވުން؛ އަދި
- އެއްވެސް ސަބަބަކާ ހުރެ ޤާނޫނީ ވަކީލެއް ހަމަޖެއްސެން ނެތުން.
- ލީގަލް އެއިޑްއަށް އެދޭ ކުއްޖާގެ ކާކުކަން އަންގައިދޭ ޞައްޙަ ލިޔުމެއް (ދިވެހި ރައްޔިތެއްކަން އަންގައިދޭ ކާޑު / ޕާސްޕޯޓު / އުފަންދުވަހުގެ ސެޓިފިކެޓް) ގެ ކޮޕީ.
ކުށުގެ ތުހުމަތުކުރެވޭ ކުއްޖާގެ އިތުރުން، އަންނަނިވި ފަރާތްތަކަށް ފޯމު ހުށަހެޅިދާނެއެވެ.
- ކުއްޖާގެ ބެލެނިވެރިޔާ ނުވަތަ ބަލަދުވެރިޔާ؛
- ކުޑަކުދިންގެ ޙައްޤުތައް ރައްކާތެރިކުރުމުގެ ޒިންމާ އޮންނަ ދައުލަތުގެ ކަމާބެހޭ އިދާރާ؛
- ކަމާބެހޭ ކޯޓު؛
- ކުށުގެ ތުހުމަތުކުރެވޭ ކުއްޖާ ހުރީ ހައްޔަރުކޮށްފައިނަމަ ނުވަތަ ބަންދުކޮށްފައިނަމަ، އެމީހަކު ބަންދުކޮށްފައިވާ މަރުކަޒު ހިންގުމާ ޙަވާލުވެ ހުންނަ އިދާރާ.
ފޯމު ފުރިހަމަކުރުމަށްފަހު، ފޯމާއެކު ހުށަހަޅަންޖެހޭ އެންމެހައި ލިޔެކިއުންތަކާއެކު ފޯމު ހުށަހަޅާނީ ބަންޑާރަނައިބުގެ އޮފީހަށް ނުވަތަ އީމެއިލްގެ ޒަރީޢާއިން
[email protected] އަށެވެ.
އީމެއިލް އެޑްރެސް:
[email protected]